Oferta

Platformadan foydalanish yoki obuna uchun to'lov qilish quyidagi shartlarga rozilik bildirish hisoblanadi.

1. Xizmat

testbaza.uz — turli fanlar bo'yicha onlayn test ishlash platformasi. Foydalanuvchi testlarni ishlaydi, natijasini va yechim izohlarini ko'radi, reytingda qatnashadi. Xizmat Telegram bot, Mini App va testbaza.uz sayti orqali ko'rsatiladi.

2. Obuna va chegaralar

• Yangi foydalanuvchiga 3 kunlik bepul sinov beriladi — kuniga 3 marta test.
• Pullik obuna 30 kunga beriladi, narxi platformada ko'rsatiladi.
• Obunada test soni cheklanmaydi, lekin kuniga 200 tagacha savol beriladi.
• Obuna tugagach yangi test ishlash to'xtaydi, eski natijalar ochiq qoladi.

2.1. SAT Math kursi va imtihonlari

• SAT Math kursi to'lov tasdiqlangan kundan boshlab 90 kunga ochiladi, narxi platformada ko'rsatiladi. Muddat ichida barcha darslar, mavzu testlari, diagnostik test va xatolar daftari ochiq.
• Kurs muddati tugagach pullik darslar yopiladi, progress va natijalar saqlanadi. Kurs uzaytirilsa, shu joydan davom ettiriladi.
• Kurs bilan 3 ta SAT Math imtihoni krediti beriladi. Imtihon kreditlari (kurs bilan berilgan va alohida sotib olingan) muddatsiz, bitta kredit — bitta to'liq imtihon.
• Imtihon kompyuter yoki planshet brauzerida topshiriladi. Natijada ko'rsatiladigan ball taxminiy.
• Kurs va imtihonlar — SAT uslubidagi mashq materiallari. SAT® — College Board'ning ro'yxatdan o'tgan savdo belgisi. testbaza.uz College Board bilan bog'liq emas va u tomonidan tasdiqlanmagan.
• Darslardagi grafiklar tashqi Desmos xizmati orqali ishlaydi.
• Kurs akkaunti shaxsiy: bitta akkaunt — bitta foydalanuvchi.

3. To'lov va qaytarish

Obuna to'lov tasdiqlangach faollashadi. Xizmat raqamli va darhol taqdim etilgani uchun to'langan pul qaytarilmaydi.

Istisno: platforma bizning aybimiz bilan 3 kundan ortiq ishlamay qolsa, obuna muddati uzaytiriladi.

4. Mualliflik huquqi

Savollar, yechimlar, dizayn va dasturiy qism mualliflik huquqi bilan himoyalangan. Ularni nusxalash, tarqatish, sotish ta'qiqlanadi. Materiallardan faqat shaxsiy o'quv maqsadida foydalanish mumkin.

5. Akkaunt

Akkaunt shaxsiy. Uni boshqalarga berish, sotish yoki birgalikda ishlatish mumkin emas.

6. Cheklash

4 yoki 5-band buzilsa, kontentni ommaviy nusxalashga urinish aniqlansa yoki platformaga zarar yetkazilsa, akkaunt cheklanadi. Bunda to'langan pul qaytarilmaydi.

7. Shaxsiy ma'lumotlar

Biz ism, telefon raqami, Telegram ID va test natijalarini saqlaymiz. Ular faqat xizmat ko'rsatish uchun ishlatiladi va boshqalarga berilmaydi. Ma'lumotlaringizni o'chirishni so'rashingiz mumkin — bunda akkaunt va natijalar o'chiriladi.

8. Javobgarlik

Biz o'quv materiali beramiz, bilimlarni sinash imkoniyatini yaratamiz. Imtihonlardagi shaxsiy natijalar uchun foydalanuvchilar ma'sul. Savollarda kamchiliklar uchrashi mumkin — ular haqida xabar berish tizimi yo'lga qo'yilgan. Platforma texnik ish yoki Telegram/internet muammolari sababli vaqtincha ishlamasligi mumkin.

9. O'zgarishlar

Shartlar o'zgarishi mumkin. Yangi tahrir shu sahifada e'lon qilinganidan kuchga kiradi, muhim o'zgarishlar haqida bot orqali xabar beramiz.

10. Aloqa

Savollar uchun: @testbaza_admin